இலங்கைச் சூழலில் நல்ல படைப்புக்களை வெளிக்கொணர்வதும் வாசகர்களுக்கு நியாயமான விலையில் புத்தகங்களைக் கையளிக்கவும் புத்தகங்கள் தொடர்பான உரையாடல்களை மேற்கொள்ளவும் கஸல் பதிப்பகம் அர்ப்பணிப்புச் செய்யும்.
வாசித்து முடித்த பிறகு இந்நாவலை மார்போடு அணைத்து ஒரு முத்தத்தையும் கொடுத்துவிட வைக்கிறார். வாழ்வியலைச் சொல்லி விடுவதுடன் அதற்குள் வாழவைத்துவிடுவது எல்லாக் கதைசொல்லிகளுக்கும் வாய்த்துவிடுவதில்லை. ஆனால் விமல் எங்களை வாழ்ந்து காட்டவும் செய்கிறார். விமல் எப்போதும் விமலாக இருப்பதுதான் பெருமகிழ்ச்சி. தீவுக்காலையில் இருந்து மீள்வதொன்றும் அவ்வளவு இலகுவானதல்ல.
-சப்றி
இலங்கையில் Commonfolks பாரதி புத்தகாலயம்ஏழு வயதில் விளையாட்டாய் சந்தமாமா பாடிக்காட்டிய சிறுவர் பாடலொன்றின் உள்ளார்ந்த அர்த்தத்தை எழுபதுகளின் முழுமையாய் புரிய வைக்கிறார். இதனூடாக இந்நாவலின் கதைப்பின்னல் (Plot) தத்துவச்சார்பு கொண்டதாகவே நம்மால் உணரமுடிகிறது.
இந்நாவல் தரும் வாழ்க்கை பற்றிய மதிப்பீடு மிகத் துல்லியமானது. விசாலமானது.
இனி எஞ்சிய காலமெல்லாம் வக்காத்துக்குளமும் அதன் நித்திய ஹீரோ சாந்தமாமாவும் நம் நினைவுகளுடன் கூடவே பயணப்படப் போவதைத் தவிர்த்திட முடியாது போலும்.
எஸ். பாயிஸா அலி
கிண்ணியா
பதினேழு புதிய சிறுகதைகளைக் கொண்ட புத்தரின் நிழல் என்ற இத்தொகுதி அறபாத்தின் இலக்கிய முதிர்ச்சியைக் காட்டும் பல கதைகளைக் கொண்டுள்ளது. கிழக்கிலங்கை முஸ்லிம்களின் பல்வேறு வாழ்க்கைக் கோலங்களை, யுத்தத்தின் வடுக்களைப் பதிவுசெய்துள்ள கதைகள் இவை. சலிப்பில்லாமல் கதைசொல்லும் திறன் அறபாத்துக்குக் கைவந்துள்ளது. வெவ்வேறு கதைசொல்லும் பாணிகளைக் கையாண்டுள்ளார். பின்நவீனச் “சோதனை”யிலும் அக்கறைகாட்டியுள்ளார். இலக்கியச் செழுமையும் செய்நேர்த்தியும் மிக்க இக்கதைகள் தேர்ந்த வாசகருக்கு விருந்தாக அமையும் என்பதில் ஐயமில்லை.
எம். ஏ. நுஃமான்
இலங்கையில் விரைவில்
13-ஆம் நூற்றாண்டில் வாழ்ந்த பாரசீக மகாகவியும் சூஃபி ஞானியும் ஆன மௌலானா ரூமி அவர்களின் தேர்ந்தெடுத்த கவிதைகள் இந்நூல் உங்களிடம் கொண்டு வருகிறது.
FathimaBooks.comகற்பித்தலில் ஆசிரியர்களின் அசிரத்தையும் சின்னச் சின்ன கவனயீனமும் பாரபட்சமும் நாம் நினைக்காத தாக்கத்தை செலுத்திவிடுகிறது. ஆயிஷா கதையை வாசித்த பல ஆசிரியர்கள் தங்கள் கற்பித்தலின் போக்கையும் மாணவர்கள் மீதான கரிசன நிலைப்பாட்டிலிருந்தும் மேம்பட்டுள்ளனர். சிரியர் தொழிலின் மேன்மையை பலர் உணரத் தொடங்கியதும் இக்கதையின் பின்னர் என்பதை பலர் சொல்லக் கேட்டிருக்கிறோம். ஆயிஷா என்றென்றும் மனதைவிட்டு அகலாதவளாக மாறிவிடுகிறாள்.
View Bookமொத்தத்தில் உரிமைகள் மறுக்கப்பட்ட ஒரு சமூகத்தின் மெல்லிய விசும்பலாக மேலெழுகின்ற இந்நாவலின் இரண்டாம் பதிப்பை காலத்தின் தேவைக்கருதி வெளியிட்டிருக்கிறது கஸல் பதிப்பகம்.
கிழக்கின், தீவுக்காலை என்ற கிராமத்தில் வாழும் மக்களின் வாழ்வியல் சித்திரம் இது. ஒரு குறிப்பிடட இனக்குழுமம் பற்றிய புனைவை, அவர்களின் மொழியிலேயே நாவல் நெடுகவும் சொல்லிக் செல்வது எத்துணை கடினமான பணி.. அதை மிக அவதானத்துடனும், சற்றும் பிசகின்றியும் இலாவகமாகவும் கையாண்டுள்ள விமலின் மொழியாழ்கை நம்மை மலைக்க வைக்கிறது.
கதை சொல்லி பவாசெல்லத்துரை போல் இந்த நாவலையும், அதன் முடிச்சுகளையும், வியப்புகளையும், ஏக்கங்கள், ஏமாற்றங்கள் பற்றியெல்லாம் கதை கதையாக சொல்ல வேண்டுமென ஆசைப்படுகிறேன்.
முழுக் கதையையும் வட்டாரமொழிச் சொல்லில் எழுதி முடிப்பது அவ்வளவு இலகுவான காரியமல்ல. அந்தப் புதினத்தையும் நிகழ்திக் காட்டியிருக்கிறார் விமல் குழந்தைவேல் அண்ணா.
தீரன் ஆர்.எம். நௌஷாத் அறிமுகமே தேவையற்ற அற்புதமான ஓர் கதைசொல்லி. தொழில்முறையில் ஓய்வுநிலைத் தபாலதிபர். நாவல், சிறுகதை, கவிதை, குறும்பா மற்றும் ஆய்வுகள்... என பல்வேறுபட்ட இலக்கியப் படைப்புகளின் சொந்தக்காரர். இவரது முதல் நாவல் நட்டுமை.
பச்சைப் பசேலெனும் வயல்களும், குளிர்ந்த வாய்க்கால்களும் அதையொட்டி வாழ்ந்த நெய்தல் நில மக்களின் மனஅவசங்களுமாய் நீளும் அற்புத நாவலது.
ஒவ்வொரு அத்தியாயமும் தேர்ந்த இயக்குனர் ஒருவர் இயக்கிச் செப்பனிட்ட திரைக்காட்சிகளாகவே எனக்குள் விரிந்த மிக வித்தியாசமான வாசிப்பனுபவத்தை தந்த நாவலது.
'நட்டுமை' தவிர்ந்து, 'கொல்வதெழுதுதல் 90' (நூலாக), 'நிற்பதுவே/பறப்பதுவே/நடப்பதுவே', 'வானவில்லே ஒரு கவிதை' (இரண்டும் பத்திரிகையில் தொடராக வெளிவந்தவை) போன்ற நாவல்களும், அத்தோடு 'வல்லமை தாராயோ', 'வெள்ளிவிரல்' என்பன அவரின் சிறுகதைத் தொகுதிகளும் ஆகும்.
'வெள்ளிவிரல்' இலங்கை அரசின் தேசிய சாகித்திய விருதினைப் பெற்றதோடு கிழக்கு மாகாண சாகித்திய விருதினையும் வென்ற நூலாகும்.
நட்டுமை நாவலும் காலச்சுவடு நடாத்திய சுந்தர ராமசாமி நினைவு போட்டியில் முதல் பரிசு பெற்ற நாவலாகும்.
